كل ما يجي واحد يخطبني يحصل القبول من الطرفين ويمدو عليا الكلمة ومن بعد نتفاهمو باه يرجعو للمرة التانية باه نكملو إجراءات الزواج ويخلوني سعيدة ونبدا في تحضير نفسي لاني مخطوبة بالكلمة....ومن بعد يبدء الانتضار تيعي يمر شهر وشهرين .....الخ دون جدوى ميرجعوش. ومن بعد نسمع بالخطيب تزوج بواحدة اخرى من دون ان يعتذر عن خطبتي وبعدها احزن ولا اقول الا حسبي الله ونعم الوكيل في كل من ظلمني...
والطامة الكبرى يا عزيزاتي نفس السيناريو يعيد نفسه كل مرة يعني كل ما واحد يخطبني يروح وميرجعش ونسمع بيه تزوج باخرى.......
والان بعد ماكبرت كيف كيف راني عايشة نفس القصة منذ سنة خطبني واحد قريبي وخلاني نحضر في روحي للعرس بصح راهو تزوج بواحدة اخرى بالفاتحة فقط من دون ان يعلمني ويعتذر لي...لذلك حابة وصفة باه نرجعو ليا خاطر ظلموني بزاف ومنقدرش نتحمل اكثر من هذا.... وربي يجازيكم الخير يا أخواتي الفاضلات