الله يخليكوم محتاجة مساعدة منكوم الله يسهل عليكوم

عفاكوم خويا سعد و البنات عندي ولد عندو 8 سنين كانعيا نهضر معاه هوا ديما خايف  كيخاف من صحابو و من قرانو حتى الا دارو شي زبلة فالقسم كيسبيوها فيه معلمتو كتكول لي معندوش شخصية وانا والله ولا موضوعو كيسهرني كيجيو عندو ولاد عمو مايقدر يخصر ليهوم واخا مايكون فيه اللي يلعب كينوض غير ما يرفض عييت نهضر معاه على شخصيتو كايفهمني كنقول صافي الدري غادي يدير شي تغيير ساعة والو اللي كاين هو اللي كاين.تصورو الدري فالزنقة تلقا ليه حيد ليه الصرف او صيفطو فمو بيض وجهو صفر بحال الا خرج ماقبر و اله العظيم الا بكيت.الله ينولكوم اللي بغيتو الا كاينة شي حاجة تحيد منو هاد الخوف و هاد الرهبة ها عار ربي عتقوني بيها راه ولات حالتو كتخلعني.رجايا فالله و فيكوم

اولا مرحبا بك الحبيبة معنا




والله يخلي لك ولدك ويشافيه لك من الخوف وشنو سبب الخوف ياكما كتخاصمي مع ابوه امامه  ما خاصش الوالدين يتخاصمو امام ابناءهاد شي يؤثر على نفسيتهم ويجب على الولد يحس بالامن كاين بين الوالدين وان شاء الله ختي تلقاي اجوبة من عند الاخوة

لهلا يخطيك ختي فافي لمشكل نهار كاع كانتخاصمو ماكانتخاصموش قدامو حتى الا كنت غضبانة كانحاولو قدامو نديرو بحال ماكاين والو.سمحي لي ختي نسيت حتى نكول ليك يرحب بيك لخير والله تلفني.كنتمنى من الاخوات يفيدوني بلي عرفو وشكرا ليك على الاهتمام مرة اخرى

مرحبا بيك اختي
فعلا مشكله هادشي للي ذكرتي دابا ماكيتسكتش عليه برافو عليك للي انتابهتي ليه
لان الشخصيه ديال الانسان كتبنى من الصغر وراه لمشكل خصو يتحل وهو صغير ماشي حتى يكبر
حاولي تخليه يتقرب من باباه والى كان كيخرج باه برا مع صحابو يبقى يديه معاه وحاولي باه هو للي يهدر معه
يفهمو انه راجل وخصو يكون بحالو المهم من هاد الهدره وشوفي واش كاين شي تغيير
واخر شي اختي الى ماتوصلتيش لنتيجه ماتردديش تديه لطبيب نفساني يمكن عندو شي عقده او شي حاجه معقداه وخالعاه نتوما ماعرفينهاش
المهم ماتستهنيش فالموضوع ... والله يخليه ليك ويفرحك بيه

[quote="بنت البدو"]مرحبا بيك اختي
فعلا مشكله هادشي للي ذكرتي دابا ماكيتسكتش عليه برافو عليك للي انتابهتي ليه
لان الشخصيه ديال الانسان كتبنى من الصغر وراه لمشكل خصو يتحل وهو صغير ماشي حتى يكبر
حاولي تخليه يتقرب من باباه والى كان كيخرج باه برا مع صحابو يبقى يديه معاه وحاولي باه هو للي يهدر معه
يفهمو انه راجل وخصو يكون بحالو المهم من هاد الهدره وشوفي واش كاين شي تغيير
واخر شي اختي الى ماتوصلتيش لنتيجه ماتردديش تديه لطبيب نفساني يمكن عندو شي عقده او شي حاجه معقداه وخالعاه نتوما ماعرفينهاش
المهم ماتستهنيش فالموضوع ... والله يخليه ليك ويفرحك بيه [/quote
شكرا بنت البدو على تدخلك عرفتي هو فعلا مامتعلقش بباه لا هو لا خوه ديما غير لاصقين فيا و لكن الخطا فلول ديال باهوم هو للي على ابسط حاجة كيغوت عليهوم ما كيحاولش يتداخل معاهم ولا يقرب ليهم ديما داير واحد الهوة بينو و بينهم حتى ولاو حتى الا بغاو يطلبو منو شي حاجة كيطلبوني انا نكولها ليه.الصغير مازال قوي الا بغا شي حاجة مايتنازلش واخا تجدبي حتى تعياي يديرها لكبير هوا مسكين اللي مقهور و معرفتش اش ندير.المشكل حتى لمدينة فا ساكنة ما فيهاش شي طبيب نفساني اما والله اختي ما نتردد واخا نعرف نديه بالتخبية على باباه حيت واعر وعوريتو ما شفتهاش عند شي حد

لا شكر على واجب احبيبه حنا هنا باش نتعاونو
حبيبه على ماقلتي دابا يعني لمشكل من الاب اكيد الى ماكانش متوفر للدري لجو ديال النقاش مع باباه وماعطيهش لخاطر وكيخاف منو
فشي طبيعي الولد غيولي بحال هكذا لان الجو الاسري راه كيلعب دور كبييير فنفسية الدراري خصوصا الولد دااايما كيميل انه يقلد باباه ويبغي يكون بحالو فالتصرفات
فالى كان هاد الولد باباه ماكيعطيهش لخاطر ويهدر معاه ويعرف اشنو تحت راسو ويضحك معه ويزعمو راه نفسيتو غتمرض
خصوصا بحال ماقلتي دابا انه اللي بغاها كيطلبها منك حبيبه فنظري تهدري مع باباه فهاد الموضوع حاولي الى قدرتي تفهميه يعطي شويه من وقتو لولدو فالدار وبرا على دار يحاول يبقى يخرجو برا معه يقربو عندو شوي و يتناقش معه ويزعمو ماتخليش لولد يبقى لاصق غير فيك

والله يعاونك وصافي على مافهمت منك باباه واعر ومحال واش غيفهم هاد الموضوع الى تناقشتي معه
ولكن حاولي ماخسرتي والو لان ولدك غتمرض نفسيتو اكثر واكثر لاخليتي لوضع يستمر بحال هكذا