ضيفوني عافكم وحسو بيا

[
اعزائي كنتمنى تقبلوني اخت ديالكم.
غادي نشارككم في مشكلتي وكنتمنى تفاعلوا معايا انا على علاقة بواحد السيد هادي سنة 8 شهور كنا كيف سمن على العسل وحب رباني كبير بزاف هاذ الانسان دار شي حوايج علا ودي متخيلوهاش كان حب صادق 100\100 مافيه لا سحر لا والو عمري فكرت ندرليه شي حاجة حيت الا زدتو يتسطا .المهم كنا متفقين على الزواج والعائلة كلها عرفات وكان جاي يخطبني في الصيف ولكن لظروف عائلية قاهرة مني انا الي اجلت.المهم بقات علاقتنا مزيانة بزاف وراجل كان الا مسمعش صوتي يهبل ويعيطلي في اي وقت يفيق من ناعس يعيط يا 2 ليل يا 5 صباح والله لوكان كنت ندرلو شي حاجة نقول راه صدقلي.ولكن كلشي يرجع عكس هدي شهر منين دخلت عائلته على الخط تقولي يزتي راجل وحطيتي وحد اخر الراجل الي كان يتسطى وهبل باش يسمع صوتي يرجع قيقولي راه صوتك كيعصبني و كنحس بيه كياكل سنانه وهو كيهضر معايا السيد الي عمره مرفع صوته عليا يرجع يغوت ويزعف .وهذي 3 سيماناة معيطلي وانا منين كنتزر كنعيطله مكيجوبنيش الي كان يعيطلي حتى 20 مرة في النهار.عافكم ساعدني مع العلم اني جربت بزاف ديال الوصفات ولكن حتى حاجة مصدقات.
انا في الغربة بوحدي لا حنين لا رحيم وغادي نموت بالفقسة وومبقيت كنعس .ديروني ختكم وحسو بيا وعونوني يعاونكم الله

ختي ديري تفوسيخا اختي

أختي لازم كما قالت الأخت أن تعمل له إبطال السحر

شكرا بزاف على الاهتمام ورد ديالكم.المشكلة اني عايشة في كندا ومعنديش منين نجيب تفوسيخا عند غير الحلبة الي داز عليها عام بخرت بها هذي يومين.الى كانت عندكم شي وصفة فعالة متحتاجش البخور عافكم عتقوني بها

الاخ السعد شكرا على الرد.واش الى درتليه تبطيل السحر حتى الوصفات الي كندرلو مغاديش تقدي فيه ولا كاينة شي طريقة نبطل له غير سحر التفريق الي كيدرلنا حبابوا .وشكرا بزاف

اختي الله يكون في عونك حاسة بيك وحاسة بالغربة لاني حتى انا بغيت غير الشبة ما لقيتها حتى اتصلت باختي رسلت لي العرعار و الحرمل والشب والفاسوخ
انا درت تصويرتي وتصويرتي بينهم الفاسوخ لبيض مع ما المطر مقري عليه اية الكرسي والمعودتان والاخلاص سبع مرات و راه اخي سعد ما يتخلاش على لوليات بحالنا الله ينصرنا على الظالمين يا رب

امين اختي شجرة الدر.والله ياخد الحق في الي كيدير شي حاجة خايبة.انا ختي معندي باش نفوسخو اما انا كندير الرقية الشريعة وكنقرا اية الكرسى ديما والمعودتين.وشد بالله وحسبي الله ونعم الوكيل

ايه اختي قولي حسبي الله ونعم الوكيل والله ينتقم منهم في اعز ما عندهم كرهوني الدنيا وخلاو حياتي جحيم انا حماتي ميتة غير واحد اخوه واخته راه قربو ينسوني سميتي حسبي الله ونعم الوكيل فيهم جميعا

الله ياخد حقي اختي

lah isawb

الله يوفقك