الراجل كيحماق ويتسطى على وحدة معايا في الخدمة

هذي 15 عام وهو وياها وانا كيف الحمارة ماسايقة خبار وملي عقت لقيت فات الفوت والمشكل هو انا هذي عاماين مبقاتش بنا علاقة جنسية ونا كنقول يمكن مريض ولا غير مع الزمان والوقت ولكن الحقيقة حاجة اخرى الله يرحم ليك الوالدين عتقني مرضيتش وخصوصا معايا في الخدمة والطامة الكبرى هي انني مكنعرف والو ملي لقيت المنتدى غير صدفة وبقيت كنقرا المواضيع لقيت راسي مكلخة وجميع المصطلحات لي كيقوقلو البنات معرفتش أش نو هما لأنني أول مرة في حياتي كنفتح هذ الباب الله يجازيك إلا ماجوبني انا جديدة في المنتى

ممكن تشرحي أكثر ..
هو ابتعد عنك تماما ؟
رجاء تردي عن هذه أسئلة حتى أفهم لأوجهك الوصفة التي تناسبك :
* مدة علاقة ؟
* مدة الفراق ؟
* نوع العلاقة ؟
* سبب تغير علاقة حسب وجهة نظرك ؟ ممكن تكون فتاة اخرى بحياته ؟

غير بشوية عليك وغادي تتعلمي حيت حتى واحد ماتزاد معلم غير ماتحاوليش تخلطي وديري اكتر من حاجة فوقت واحد قلبي فالمنتدى وشوفي لي باغيا تعمليه وديري موضوع كيف هدا وسولي على لي مافهمتيهش او المصطلحات لي ماواضحاش ليك

وقبل اي حاجة حاجة تاكدي من هادشي لي كتقولي واهم شئ ماتيقيش بكلام الناس حتى تشوفي بعينيك وتسمعي بودنيك وماتسرعيش ولي مافهمتيه سولي عليه واحنا غادي نجاوبوك اكيد

هذ السيدة معايا في الخدمة حنا خدامين في مدرسة حرة هو سائق وانت كاتبة وهي معلمة السيدة كتمشي معاه في السيارة المهم انا ماديت ما جبت لأن حتى معلمات أخريات كيركبو ولكن السيد ملي كيجي للدار وهو فلانة قالت لي فلانة دارت فلانة صنعت والله مارديت البال كيجيو عندي المعلمات كيكولولي مال راجلك مكيهزناش ويميك عيلنا وفلانة كيتسناها حتى تهبط في الدروج هي ولدها والمهم انا قلت عادي عندها الولد ربما كيعطلها ولكن الملاحظات كثرو من طرف المعلمات ونا نهضر معاه قلت ليه راه المعلمات كيتشكاو منك هاشكدير وهو يتفركع بحال إلى درتليه المين من تحت منو مهضرش على المعلمات هضر غير عليا انا انت مشي شغلك ودخلي سوق راسك خدمتي هذك مدخليش فيها المهم ماسكتش وكيدافع عليها وهي مسكينة ضريفة ويشكر ويعاود المهم جات عندي المرافقة لي كتكون معاه وهي تلوح لي واحد الهضرة لأنني انا قلت ليها علاش أصلا كتركبو المعلمات ياك عندكم السيارة عامرة بالتلاميذ صافي لي بغات تطلع كولو ليها عامرة باش مديروش الميز بيناتهم وهي تقول لي هضري مع راجلك هو لي كيطلع فلانة ويقوليها ركبي حداية متركبيش اللور المهم انا بدا الشك كيراودني لأنني بقيت كنفر كيفاش هذشي المهم السيدة زعمة صاحبتي في الخدمة وكنهضر معاها عادي معرفتش اش شنو لي وقع ولات كتشوفني وتميك واحد النهار جات عندي معلمة صاحبتي بزاف قالت لي بان فلانة راها كتقوليك كتجيك الغيرة منها وهذ السيدة لي قالتها لي مكتكذبش ثقة بزاف ونا نسعر علاش صافي بقيت دابة كنعيق بلي كاينة شي حاجة أول عمل درت هو اننا بديت كنقلب ليه جيابو ونشوف وهنا كانت الصدمة لقيتو كاتب عليها الشعر المغرم الولهان والسيد كيحماق عليها وهي عارفاه ومشجعاه مع العلم حنا كنا ناس بعقولنها يعني كبارين في السن حتى واحد فينا ماصغير هو عندو 59 عام هي عندها 45 عام وانت عندي 48 عام ونا ملي لقيت الشعر وفيه سميتها والسيد عاشق ومضروبة في حتى لجدر صافي سعرت ملي واجهتو قالي إيه كنبغيها وانت مالك كيفاش انا مالي إوة نوضنا صداع خايب وصلنا فيه حتى للطلاق غير التدخلات ديال العائلة ومن بعد ما هو صافي زعمة تاب إلى آخره قلت منتسرعش على وجه ولادي كبار حشومة انا ماشي صغيورة المهم لعنت الشيطان واستمرينا هذشي وقع هذه أربع سنوات والمهم انا منكذبش عليكم يقيت حاضياه مدرتش التيقة دابة هو ربي سبحانه مكدير غير لي فيها الخير اصلا مابقاش عندو هذاك السكتور لي ساكنة فيه هي ولا في سكتور آخر وانا شرطي كان هو ما بقيش يهضر معاها وحتى انا مابقيتش كنهضر معاها وقاطعة عليها الهضرة ولكن هو والو مابغاش ينسى لأنه غير كيتعقبها فين ما مشات وقت ما مكنكونش انا حداهم هما كيتبادلو التحية وكيضحكو انا شفتهم بعيني ملي هضرت معاه غسلني من راسي حتى لرجلي وعملي فيها واعر زعمة موتي بالسم لي فجهدك ديريه إيه غنهضر معاها مهي ملي كتشوفني كتهز يدها ودير ليه بالحركة المعروفة ديال السلام زعمة هانتي موتي بالسم المهم محاميين عليا بجوج وملي يركب في السيارة وهو يسول التلاميذ المعلمة فلانة قراتكم اليوم مزيان شنو كالت ليكم بحال إلى هي لي كاينة في المدرسة وزيد على مشكل آخر انا عندي الدار قبالت المدرسة والأقسام لي كتقري فيهم هي قبالت شراجم دايالي وولادو عاقو بيه كل مرة يقولولي هضري معاه راش شوخنا ديما واقف في البالكو ولا في السرجم غير حضيها فين ما دازت وملي كيكون في الساحة كاع السائقين كيديوها في تلامذهم هو لا واقف في واحد البلاصة وخبع مني زعمة حتى تدوز هي وتعطيه السلام عاد هو يركب على محال باين لي هما بجوج متافقين على شي حاجة والله أعلم انا غير كنتفرج لاحولة ولا قوة لي بالنسبة الحياة ديالنا ولات كئيبة انا كل ماكنشوفو كيدير تصرفات المراهقين كيطلع لي الدم وكنتعصب واصلا انا مريضة عندي سياتيك وهو مسوقش وحتى المعاشرة الزوجية تقطعات بيناتنا هذي عاماين بسبب هذ المشكل والغريب في الأمر انا سيدة جميلة وغديش ماشي قبيحة وهي زعمة على قد الحال ونا مافهمتش اشنو عاجبو فيها واللع أعلم انا راني حاولت نختصر المهم عاونوني الله يجازيكم بغيت حل جدري لهذه المشكلة راه مبقيتش كنعس بقوة التفكير وما عرفت مندير وشكرا مرة ثانية

سمحولي طولت عليكم بزاف ونسيت ما قلتش ليكم تصورو الراجل معايا في الدار وما كيهضرش معايا غير إلى كانت شي حاجة ضروري وملي كيهضر معايا مكيشوفش جيهتي نهائيا ماسهضر ما يجمع مايعاون مايهزش حتى الكاس من بلاصتو مفرعن ومكنقدرش نهضر معاه لأنه غير تجبدي معاه شي حاجة يبدى كيطعطع وغوات كيتسمع الحومة الأخرى وانا كنسكت لأنني مكنرضاش والمشكل انا في الخدمة كلشي كيحترمني وكلشي كيقدرني وحتى في الحومة ومع الخدمة حدا الدار مكنقدرش نهضر ولا حتى نجاوب لأنه حتى الجيران لي ساكنين معايا في العمارة خدامين معايا وكنبقى غي كنبكي والله ياخد الحق لأنه إلى غوت حتى انا غدي يتفرجو فينا ونا منقدرش على الشوهة وما باغاش يعرفوني علاش مدابزة معاه لأنه إلى تفضحات القضية هي غدي تزيد تمجهد وغدي تحس براسها بأنها انتصرت عليا ونا مابغيتش نوصل معاها لهذشي ومابغيتش نهضر مع حتى واحد في هذ الموضوع غدي تحس براسها هي شي حاجة وناري المرة مزوجة ودايرة عينها في راجل مزوج واللهيستر وخلاص

عافاكم اعطيوني شي حل على الأقل نحس براسي راني إنسانة قدامو ونرد كرامتي لي تهانت على كبري مرضيتش والله غدي نموت بالفقصة وما عرفت مندير الله يرحم ليكم الوالدين

شوفي اختي هاديك المرا راه مابغاهش وماعندها معاه حتى علاقة غير عاجبها الحال حيت كتحس باهتمامو يمكن راجلها مادايهاش فيها وماعاطيهاش وقت ديكشي علاش

من ناحية المصاحبة ماعندها معاه والو غير كيما قلتي حسات براسها حيت عرفاتو داير فراسو هكاك عليها لا غير هادشي لي بانلي من هادشي لي عاودتي لانو كن كانت عندو معاها علاقة وهوا معترف بلا حشمة بلا حيا كان غادي يقوليك نتفارقو باش يكون معاها

ولكن دابا هوا عايش ديك الحالة لي كتوقع للرجال منين كيوصلو لهداك العمر باغي مزال يحس انو باقي صغير وانو باقي العيالات باغينو هادشي لي كاين و المرا راه ماعندها والو معاه

واخا قالت للناس انك كتغيري منها يمكن حيت شافتك كديري شي تصرفات انتي محاساش بيهوم قامها فكرات انك حاسداها وغايرة منها

ومدام كتقولي ولادك كبار علاش مايهضروش مع باهوم ويردعوه شوية يرجع لصوابو

اما من ناحية المرا خوي عقلك راه ماعندها معاه حتى علاقة غير عاجبها ديك الهبال لا غير عادي الوحدة كيعجبها تحس بالاهتمام

نصحك ديريلو محبة سريعة ومايكون غير الخير

شكرا حبيبتي بزاف على النصيحة راه أنا عارفة هي يمكن والله اعلم مامسوقاش غير كتقلي فيا السم المشكل فيه هو لي مابقاش مسوق ليا نهائيا فحال غلى ولا عقلو غير معاها واش فهمتيني يعني راه الراجل تقلب 90 درجة هو المشكل يمكن فيا انا لأنني معقتش وخليت الموضوع حتى تشعب وكان كيسحابلي راه غير زعمة عيا ولا الوقت وظروف الحياة صعابت ويسحابلي بأنه عادي مابقاتش بينا علاقة ولكن اكتشفت انه ميمكنش يكلس دقيقة ومايفكرش فيها واش فهمتيني اهتمام بلا حدود وبغت نقوليك راني معرفتش كيفاش نديلو محبة سريعة والله ماكنعرف والو غير عاونوني الله يجازيكم

البنات فاينكم حتى وحدة ماجاوباتني

انا اليوم عاد دخلت اختي

انا كنعاود ناكدليك انو هي مامسوقاش ليه وكيما قلتي بغا غير تخليك تغاري منها لانو علاقتكم ماشي هي هاديك انتي وياها

وهوا كيبانلي هادي مرحلة وغادي يفوتها ولكن خاصها هي تفيقو من الغفلة وتضور فيه باش يفهم راسو ويجمع راسو كيما كان الحال راهي مرات الراجل وماخاصهاش تعطيه فرصة ولو مايكونش غراضها فوالو ولكن العيالات ماعندهوم عقل غير باش تسممك انتي مخلياه راكل هبالو اما كن دارت فيه كن فهم راسو شحال هادي

حاجة لي نوصيك عليها ماتفكريش ولو للحظة انك تهضري معاها فهاد الموضوع او تسيفطي شي حد يهضر معاها فمتعطيهاش اكبر من حجمها وماتبينيش ليها انا مسوقاها اصلا

و المحبة السريعة هاهي
https://saadsaoud.yoo7.com/t4-topic

هاد الوصفة ديريها ليه ومايكون غير الخير وفنفس الوقت ماتعتمديش كليا على الوصفات وانما حاولي تغيري اسلوبك معاه

شكرا أختي سارة رغم أن الرد ديالي جا معطل الله يجزيك بكل خير ورمضان مبارك سعيد

كيفاش غدي نكتبها عادي في ورقة وبالقلم ولاشي حاجة اخرى

عافاكم جاوبوني

الله يوفقك

la 7awla wala 9owata ila bi llah hadchi kaymared akhti 3lik b sbar
ida 7siti bih ms7our wla haja fawskhi rask o fsakh lih hta howa
3ad khdmilo ma7aba
kaynin wasafat d akh saad dyal talyin wa 3atf 9alb lmatloub 3la llah ytsked m3ak
o khaliha f yadi llah
rbi ysawbe lik akhti