طلب عاجل الله يخليكم

انا مخاصمة مع حبيبي هادي شهر ه نص درت محبة سريعة و معيطش ليا دازت 15 يوم عاودتها دازت شي يومين طيبلوكاني غير ف الواتساب فقط و سيفط ليا سلام مع العلم انه كان بلوكاني ف الواتساب و نمرتي و الفيسبوك و مجاوبتوش فاش قالي سلام و دابا دازت كتر من 15 يوم و ككين حتى رد فعل منو و انا قلبي كتحرق بغيتو يرجع ليا عفاكم الى معاونوني ب شي وصفة و نصائحكم

خاص توضحي سبب الخصام. باش إساعدك أعضاء المنتدى

ختي و الله الى حتى انا معرفتش السبب كنا عادي حتى مبقاش باغي يجوبني ف التلفون عيت معاه باش نعرف السبب تيقطع عليا قاليا مابقيت باغي حتى واحدة ف حياتي و حاجة اخرى حنا كنتخاسمو بزاف

و علاقتنا فاتت 3سنين و معرفتش اشنو ندير باش يبقا يعاملني مزيان

واش كايبان ليك فيه شخص كيقبل الحوار والمناقشة .
فاش كتخاصمو و تصالحو كديرو نقط على الحروف؟ كيعترف بالأخطاء أو كتسمحيلو أصافي

لا اختي متيقبلش الحوار هو ديما تيقول ليا نتي عصبية و مكنتفاهموش و متيعترفش بالاخطاء ديالو فاش تيبغي يتصالح معايا تيرجع كلشي ليا انا كلشي تيقول ليا نتي لي كتعصبيني ب تصرفاتك

اشنو لي مفهمتيش ا اختي mouna32 نشرحو ليك انا وياه بناتنا علاقة هادي 3 سنين ف لول كان كتعامل معايا مزيان و ف هاد العام الاخير تبدل عليا بزاف دار صحاب بزاف و لى تيخرج معاهم و انا لا معرفتش اشنو لي بدلو عليا حتى ولينا كنتخاصمو بزاف يمكن حتاش انا مغيارة بزاف و تنبقا كل ساعة نتاصل بيه نسولو فين مشا و فين جا و هو متيعجبوش هاد تصرف و لكن انا مقدرتش نحيد مني هاد العادة حقاش مكنتيقش فيه كنتمنى ترشدوني للطريق الصحيح

3 سنين كتعرفيه مافيه الكفاية.عارفه أشنو كيبغي أشنو كيكرهو.خاصك تحترمي أطبقي القاعدة.
من ناحية اخرى كاين ملل في علاقتكم (في نظرو هو ) داكشي لاش كيتهرب وتيخرج مع صحابو. ..
هاتش عادي كيوقع. الحل خاص تريحي راسك؛بعدي منو خاليه إتنفس .
فهاد المدة لتغبري عليه راجعي نفسك؛ أقراي "خاص بسعد لكسب الحبيب " غاذي تستفدي مزيان . أقدي الوصفات ديالك أنتي مقتنعة بالنتائج الإجابية؛
النفسية ديالك متعبة لا غير.

شكرا ليكم بزاف ا خواتاتي انشاء الله غادا ندير بنصائحكم و كنتمنى نبعد من هاد العادات السيئة انشاء الله واش دابا مندير حتى وصفة اخرى واش نكتفي فقط ب وصفة محبة سريعة حتى تبان النتيجة او ندير شي وصفة اخرى باش تنصحوني و سامحو ليا بزاف

اختي نصيحة مني لانني مررت بنفس التجربة الغيرة المفرطة هي سبب دمار العلاقة لانه مكاينش شي واحد غيبغي يبقى عايش فالدباز و الخصام و الاستجواب و الملاحقة

حاولي انك تغيري هاد الشئ ولو انه صعيب انا حاسة لانو مريت بنفس التجربة وخلي فبالك حاجة ديري راسك فبلاصتو وشوفي لو كان كيدير معاك نفس الشئ باش غتحسي اكيد مغيعجبكش الحال فحاولي ما تخليش الغيرة تسيطر عليك الى تحكمتي فغيرتك اكيد غتنجحي

تسناي وخلي يقينك بالوصفة وغادي تشوفي النتيجة

وممكن تعملي لراسك وصفة المنع من الغيرة المفرطة غادي تعاونك وفكري قبل ما تتصرفي تعلمي انك كتهضري وفنفس الوقت كتفكري باش ماديريش شي حاجة لي تندمي

هوا ولو ماعجباتنيش فيه انه مكيبغيش يتناقش ولكن غيري من نفسك ومن بعد حاولي تخليه يهضر ويتناقش هكا غتقدرو تجاوزو اي خلافات

إن لم تستطيعي التغلب على الغيرة المفرطة وكل تعاملك السيء سأنفعك بوصفة ألا وهي وصفة المنع تكون حملا فقط اذكروا لنا ما ترغبي منع نفسك من فعله ونحن نصيغ لك التوكيل وتأكد من نجاحك مسبقا وتفاءل خيرا بكون خيرا بإذن الله.

شكرا اختي سارة الله يحفظك

اخي ماهر شكرا ليك و بغيتك تعمل ليا توكيل لهاد المشكل لي عندي هو الغيرة انا حاولت شحال من مرة و مقدرتش نحيد مني هاد العادة السيئة

و حاجة اخرى هي انا عصبية بزاف و ابسط الاشياء كتعصبني الى كان ممكن تضيفها ليا ف التوكيل و شكرا اخي ماهر

سلام اخي الماهر المغربي انا انتظرك لتكتب لي التوكيل المناسب لحالتي كما وعدتني ارجوك