محتاجة لآراء ديالكم

إخواتي النفسية ديالي متعبة؛المشكل ديالي هو بوركابي؛هادي شهر باش قنعتو إجي لدارنا.
فعلا حددنا التواريخ إمتا غاذي إقولها لعائلتو باش إجيو ..
ولكن الصدمة قوية: هاذي 3أيام باش تصل قالي بلا كان مزوج وعندو إبن 5 سنوات.
هو مزال على إتصال بمراتو؛ أكتموت عليه.
الحاجة لفهمتها أن المشكل هي الأم ديالو مكتهنا حتى كطلق ولادها دراري عاد كترتاح..
أنا في حيرة؛أولا هذي عام باش مخبي علي هاتشي؛ باقا مصدومة
2 . خايفة إكون المصير ديالي المشاكل وطلاق. وزايدها بشروط : متخادميش؛ متولديش؛ مكاينش العرس؛...
3. واش ندير نهاية العلاقتنا
محتاجة لآراء ديالكم

أولا لازم تبقاي قوية و متماسكة..حتى رغم الصدمة فيجب أن تقلبي الموازين لصالحم فالإحباط ما هو إلا طاقة سلبية ترهقك و تضعفك ...هذا من أجل صالحك..
لكن حقيقة حتى أنا إنصدمت لقرائتك..أختي أنت مع رجل لا تعلمي عنه كل الحقائق..أنت قلت أنها هي كتموت عليه يعني طليقته فما هو شعوره نحوها؟؟..و ما هي الأسباب الحقيقة لطلاقهما؟؟ و هل هو راغب فيها و يريدها رغم كل شيء؟؟
أعلم أنه صعب عليك لكن لازم توواجهي نفسك بكل هذه الأسئلة..
فالمشكل ليس لكون أنه مطلق و لديه إبن أو أمه هي سبب المشاكل لكن المشكل في تخبئة هيك أمر مهم و قاعدي خصوصا أنه لديه إبن..
فالزواج ما هو إلا بداية حياة جديدة مختلفة و لازم تكونين جاهزة لكل شيء..
فالحمد لله أنك علمت الحقيقة قبل فوات الأوان و الحمد لله أنه تجرأ ليقول لك هذه الحقيقة التي كان لازم تعريفها من قبل
لماذا خبئ عليك؟؟ و الأن فهمنا لماذا كل هذا التأخر في طلبك للزواج رغم نجاح كل وصفاتك..
فهذا ما نبهنا إليه أستاذنا سعد بأنه يجب الإستخبار و الإستعلام على على الحبيب جيدا من كل النواحي..
انصحك بأن تأخذي وقتك لتفكري في كل شيء و أن تجدي اجوبة صحيحة لكل أسئلتك أولا فهذا مهم..
و أيضا أنصحك بأن تستخيري بصلاة الإستخارة لمدة 7 أيام متتالية..
و إن كان فيه خير لك فإن شاء الله يجمعكما المولى عزوجل

السلام عليكم
ختي أول حاجة متعصبيش باش تعرفي تفكري مزيان أش غاديري
خاصك تسولي مزيان علاش طلق و شنو وضعية مراتو الاولى ، وخصك تشوفي واش الولد عايش معاه أو مع ماماه. يعني ماتيقيش أشنو عاودليك على أسباب الطلاق و غيرو، لأنو كيفما خبى عليك قضية أن عندو ولد ممكن يكون مخبي مسائل خرين.
هو قضية أنو كان مزوج و مطلق، هذاك ماضي ديالو و هو حر فيه، الغلط للي دار هو أنه ما صارحكيش من الأول. نتي دابا حطي هاذ القضية على جنب و شوفي واش وضعيتو الحالية مسلكاك أو لا، وشوفي واش نتي عنك استعداد تخلي خدمتك. سولي مزيان و استخيري، ان شاء الله الأخوات يدخلو و يفيدوكي أكثر.و الأخت منى راه تبارك الله عليها عطاتك رأي حكيم.

شكرآ ليكم
هو تيقول : خبا هادشي حيث خاف نزيد ونسمح فيه. الإبن مع الزوجة. المادة هي سبب طلاق ِحيث مكانش خدام فواحد الفترة أهي معقلاتش عليه..
أنا : شمتني أغفلني هاد المدة عام؛
قاليك حتى حاجة متغيرات مزال باغني. جاب لي ورقة ديال الطلاق تأكدت.
هاتشي لكاين
أشنو بالكم ؟
بقا ِمشكل دالعمل. كنحاول نقنعو باش نبقا خدامة هاذي إلى دوزتها ليه.

أختي أبدا أبدا ما تغامريش بخدمتك، خصوصا فهاذ الوضعية لأن المشاكل ممكن تجيكي من أي ناحية، سواء من ناحية مراتو الاولى، أو الأم ديالو أو منو شخصيا. يعني ماتفرطيش فخدمتك. وثانيا هو ما عندو حتى حق يتشرط عليكي لأنه كذب عليك، ومطلق و عندو ولد. و متفهمينيش غلط راه الطلاق و الأولاد مشي عيب، ولكن إلى قارنا بين وضعيتك و وضعيتو غادي نلقاو بأن نتي حسن منو، لأنك ما عندكش دراري ومسؤوليات خرين. يعني نتي للي خاصك تحطي الشروط ديالك و هو خصو يحتارمها، و خصو يحمد الله إلى غفرت ليه الغلط ديالو الأول بأنو خبى عليك أنو عندو ولد.
المهم نتي سولي مزيان، ووضعي الشروط ديالك باش تحمي راسك، إلى بان ليك أن هاذ الراجل متشبث بيك و قابل كلشي الشروط ديالك، عطيه فرصة. أما إلى بان ليك أن وضعيتو ما مسلككيش، وأن هاذ الموضوع غادي يجي منو صداع بزاف ، وأن هاذ السيد راسو قاسح و باغي يفرظ عليك شروط قاسية غير سدي عليه.

بالفعل اختي خدمتك متفرطيش فيها لانها هي لي باقية اما الرجل متضمنيهش ممكن فاي لحظة يتغير وكيف ماقالت اخت منى صلي صﻻة اﻻستخارة واللي فيها الخير ربي يقدمها

أمين.إصوب الله
ربي إخاليكم.

أختي فكري سبب إخفائه عليك الحقيقة ليس بمقنع فالطلاق ليس بحرام و لا عار حتى بالنسبة للمرأة فما بالك أنه رجل
فكري مليا و بعقلك و إستخيري المولى عزوجل و لا تفكري بقلبك و لا بعواطفك
و إن شاء الله يصوابلك الخير

قاليك نهار تعرفنا؛غي قالي سلام أنا قصحت الكلام معاه؛ قلتلو إلى مزوج متضيعش لي وقتي...اضطر إكدب زيدي عليها ورقة الطلاق فيها تاريخ استلام حديث 4 أشهر من بعد ما تعرفنا. يعني كون إعترف من 1 مكاينش لي غاذي تيقو بلا ورقة الطلاق.
المشكل هو كذبة 1 جرتو لبزاف ديال لكدوب.
ولكن دابا راه كيخلص ضريبة

أختي أنا من مؤيدي المسامحة فأكيد أنّ مسامحتك هي شيء جميل و طاقة إيجابية لك تنفعك في النجاح
لكن أختي فيه مثل يقول كل شيء بُنِيَ على كذبة إنتهي بأكاذيب..
شخصيا لا أجد كلامه مقنع....
فهذه حياة جديدة ستبنيها أنصحك أن تفكري مليا و إعطي لنفسك فرصة لأخذ القرار الصائب..
أكيد أنك تحبينه و تجدي أعذار لإقناع نفسك أولا و هذا شيء عادي و من حقك..
لكن ما أود قوله لك فكري بعقلك و إستخيري أختي و إدعي المولى عزوجل أن ينير لك الطريق الصحيح

» محتاجة مساعدتكم
» اخى سعد انا محتاجة لك ادخل لحل مشكلتى
» اخى سعد انا محتاجة لك ادخل لحل مشكلتى
» اخي سعد محتاجة المساعدة ديالك
» انا محتاجة مساعدتكم الله يخليكم