وصفات سحرية لتصفية الوجه مفعولهم زوين بزاااف و مضمون باذن الله

البقدونس – او المعدنوس
شدي واحد الربطة نقيها مزياااان و غسليها مزياااان و غليها مع 2 كسيان العنبة دالماء معدني. و مللي يطبخ مزيان صفيه و عمليه فقريعة نقية ديال الزاج فالثلاجة.
و هاهو tonic واجد و فيه فيتامينات ياما و خصوصا فيتاميت E المعروف بخاصية التفتيح
بقاي كل يوم تدهني وجهك بقطينة و بلا ماتغسليه غير حكيه مزيااان بديك القطينة فيها شوية من التونيك
ومع المداومة غادي يصفى الوجه و يولي مشرق و منور

ماء الورد مع الحامض
خودي ماء الورد النوع المزيان و قليل من عصير الحامض- citron -مركز و خلطيهم و دهني وجهك بيهم يوم اه و يوم لا و خليه 30 دقيقة و غسلي وجهك
كينقي و يصفي الوجه من البقع
و انا فاين ما نغسل وجهي مللي نبغي ننعس, نغمس قطن بماء الورد و ندعكه مزياااان مع وجهي و من بعد ننعس
كيصبح و جهي منور و الله

زيدك هاد المعلومة. ايلا فيك الحبوب. و السبب خارجي يعني. يعني مايكونوش بسبب هرمونات او مشكل داخلي
المهم تاخدي اوراق النعناع و تغسليهم مزيان و تحاولي تمعكيهم باش تخرجي ديك الماء اللي فيه و من بعد دهني بيه دوك الحبوب اللي فيك و خليه و من بعد غسليه بماء بارد و مسحي بشوية ديال ماء الورد و الحامض. باذن الله و مع المدة راه يقلالوا و يزولوا

و اللي وجهها ماصافيش تدهننه بماء البطاطا.
شدي بطاكا قسميها على 2 و دهني وجهك بيها . راه تفتح لون البشرة و حتى les cernes تصلح ليهم

مرسي باين فيهم زوينين جاري التجريب

جميع المكونات مهمة للبشرة اكيد
اما بخصوص المعدنوس انا عاملاه في الصابون حتى هو زوين

هده كلها وصفات روعة و مجربة و فعالة ، تسلمي حبيبتي

شكرا اختي

لسلام عليكم ورحمة الله وبركاته البنات أنا جديدة وما عرفتش كيفاش نكتب الموضوع ديالي با ش كلشي يقراه يعني في عنوان رئيسي شي واحدة تساعدني

شكرا

شكرااااااااااااااا

وصفات رائعة شكرا لك