مشكلتي مع طوب سين عتقوني

السلام البنات قريت في واحد المنتدى على وصفة فيها طوب سين وشيرلي والعسل درتها واحد العشريام ولى وجهي صافي غزال وأنا نحبسها لهلى يوريكم وجهي كيولى شوهة بحال إلى تحرقت كولو طبايع كحلين عتقوني آش غندير مع العلم أن وجهي حساس بزاف 11.26.2013

*ما ورد ، و زيديك هادي وصفة واعرة و خطيرة، سيري la pharmacie و شري pommade ديال KENTA ديال لوليداة صغار ديال طياب و دهني بيها وجهك بليل و اجي تشوفي مغتبقش لبشرا حساسة و غاديا تبياض ، إوا جري ديري هادشي هههه ، الله يشافي

شكرا لك بزاف على الإهتمام راني مشيت عند طبيب ديال الجلد واعطاني عرمة ديال الدوا وما اعطاني حتى نتيجة وقالي ما بقاتش عندك كاع الجلدة في وجهك العروق تيبانووالله هاد المشكل عقدني بزاف

أختي ديري kenta و ردي عليا لخبار

غنبداها من هاد النهار ونرد عليك الخباروشكرا

كاينة وحدا هتا هيا غاديا تنفعك حسن من Kenta سميتها Mytosile راها صفرا واعرة وجهك مايبقاش حساس و يولي بحال لبيض مسلوقة

الحبيبة ديالي عفاك راه وجهي مابقى فيه مانجرب عاد إواركزي معايا عفى اختي وقوليلي واش كينتا ولا ميتوزيل واخة راني شريت كينتا ماشي مشكل ماتجيش فالضرورة نخليها لولدي

واراه هادو أنا تانا كنديرهوم مالكي مخلوعة و لكن عاد تفكرت mytosyle تهيا واعرة و راه هادشي ديال لفارماسييان أحسن ليك mytosile أنا بنت خالي كانت الله يستر تحرقاة في وجهها و عطاها ليها طبيب و راها مزيانة و مكوناتها طبيعية  

أنا راه من كثرث ما تكرفس وجهي حتى اعطاني الطبيب السيروم نمسح بيه وجهي

ديري هادشي تقي بيا

أنا ثايقة فيك الزين غير اللي عضو الحنش كيخاف من الشريط والزيغة وما تدير كان وجهي غزال شفت البنات كيشكرو فطوب سين وشيرلي وقلت يرجع وجهي بلارة علاش لا وليت شوهة والله يسمح لي حتى راجلي كدبت عليه قلت له الفران كان طفى وجيت نشعلو وطارت علي العافية هههههه وسمحيلي طولت عليك بحجايتي راه ما لقيت على من نخوي قلبي

مرحبا بيك ازين هانية داكشي علاش كاينين حنا هنا ، بشفاء يا ختي