سلام عليكم انا جديدة معكم و متابعاكم مدة و عاد سانحت ليا الفرصة باش نتسجل معاكم
اتمنى من السيد سعد يساعدني
انا قلبي مهموم هادي 4 اشهر تفارق معايا حبيبي وبدون سبب بلا ما يقول ليا حتى على المشكل و مللي مشات كتهدر معاه صديقتي قاليها بللي الاب ديالو السبب و علاقتنا ما بقا فيها امل
كنعرفو لمدة 3 سنوات خلاني ومشا بغيتو غير يتاصل بيا يقول ليا شنو المشكل و والو حتى من الفيسبوك بلوكاني فيه و عايش حياتو و انا قلبي مغبون عليا و عيني ماحبسوش ليا من الدموع من نهار خلاني انا كنبغيه بزاااااف و بغيتو يرجع ليا ماعندي جهد باش نمشي لعند الفقها و الشوافات حيت معروفين كيخدو الفلوس بدون فايدة جيت لهاد المنتدى طالبة من الاخ سعد و منكم خواتي تساعدوني في وجه الله مانساش لكم خيركم لا دنيا لا اخرة
اه و راه البارح الجمعة درت وصفة المحبة السريعة و كنتمنا تتبان ليا نتيجة