يا اختي ما يبقاش فيك الحال, كلشي بامر الله, نحكي لك قصتي لي داز عليها شي :عشر سنين: كان واحد ولد الجيران يتصل و يهضر و محترمني و كلشي وفاش يجي من الخارج يجيب لي الكادو, واحد النهار جات عندي بنت الجيران و قالت لي واش فراسك فلان خطب؟؟؟ لانها كانت عارفة القصة , قلت لها ما فراسيش, قالت لي راه عرضو علينا للعرس و انا يسحابني انت العروسة, قلت لها ما عليش, المهم , السيد خطب واحد بنت الجيران اخرى انا عنديش معاها شي علاقة ولا كنعرفها, بين درنا و دارها كاينة دار هاذ الحيوان و دار اخرى , يعني كلشي فنفس الحومة....
نهار العرس مشيت يا لالا في كامل اناقتي و تالقي و شطحت وضحكت و خليتو منه لله تعالى.
تصوري معايا بعد خمسة عشر يوما رجعو من شهر الكوفتير واقفين على الطلاق, و فعلا تطلقو, وداز ثاني واحد المدة عاود تزوج و عطاه ربي واحد السحارة كانت باغياه غير على الوراق و مصاحبة مع واحد آخر , ناوية تدير الوراق و تزوج بصاحبها, ماكملش معاها شهرين واقيلا و طلقها حتى هي, وقبل من هادو كان مزوج كاورية و مطلقها.
يعني ربي ما بغاش لي التكرفيص مع اخواتاتو واعرات و مبليات بالشعودة بزااااااااااااف و هو صراحة ضريّف مع الناس لكن مافهمتش لحد الان علاش كان معايا وخطب وراء ظهري.
الخلاصة ما يبقاش فيك الحال سلمي امرك لله في هاد الحالة و يلا قدرتي ترجعي الله يسخّر لك ما قدرتيش خلّي الله تعالى يدبّر امرك.
