Kadhiya ghariba djawbouni

Sadikti rahet 3and wahed cheikh kasda irdja3 zawdjeha li khalaha kalelha jibi kharka azawdj,min rahet 3andou bda yekra 3liha w men ba3d kam m3aha 3alaka djinsiya(hachakoum ) men ba3d kalelha emashi bi tilk el kharka ,ktebelha chi talassim w 3talha boukhour kalelha eharkihoum m3a dik elkhourka.ana t3adjabt min hkatli min fadhlekoum a3touli araekoum w in kan tafsir li had chi fasrouli

ممكن تكتبى عربى لنعرف مشكلتك و نساعدك حتى ولو بنصيحة

هدا راه الحماق بعينيه

ايوى واش كانت النتيجة رجعاتو؟؟

وراه هدا ماشي فقيه هدا راه مصيبة كحلة باغي ينعس وداير السبة بالتعزام هدا ماكان هدا راه خاصو الحبس ولكن صاحبتك مالها حماقت نتوقع انو غيبقى يقولها تبداي تجي تنعسي ديما ولا غنفضحك مع راجلك

و الخرقة مسحات بيها باش تسحر لراجلها ولا للفقيه اويلي اش هادشي

واش انتي عند بالك هدا فقيه وغادي ترجع شي واحد بيه هادي غير دارت موصيبة فراسها وبلا فايدة والى رجع ليها راجلها اجي قوليهالي

غيقولها راه الملوك لي نعسو معاك ولا هما لي طلبو النعاس باش يرجعو ليك راجلك غير حيت هما دايرين بالهوم مع التزنديق ولاو يكدبو حتى على الجنون هدا عار عليه يكون فقيه

رايي انو صاحبتك خاصها العقل على هادشي لي دارت فراسها وعلاش على قبل الراجل تصوري لو راجلها يعرف هادشي شنو غيوقع معرفتش انا علاش بعض النسا كيديرو اي حاجة وكل حاجة هكا وبدون تفكير غير باش ترجعو

تصوري معايا اضعف حاجة هاد خينا مولف يدير هكا وغيكون مريض شنو غيجرا لصاحبتك

قولها بقاي تخدمي عقلك لطيحي فشي حاجة لي تخرج عليك حياتك كولها وهاد الراجل غتردو بالنعاس راه الحماق هدا