السلام عليكم ورحمة الله تعالى وبركاته
اخي الكريم انت كتعرف مشكلتي مع القرين والوساوس لي كيديرلي ولكن مؤخرا ولات عندي هواجس عن الثعابين منكرش انو عندي فوبيا منها والى شفت غير صورها في التلفزة كنبغي نموت ولكن مؤخرا زاد هادشي عن حدو لدرجة اني مابقيتش قادرة ننعس وليت غير ندور ونقلب فالدار وعندي شكوك اني نقدر نلقى حية فاي مكان من الدار النعاس مابقيتش كنقدر ننعس وحتى الى نعست كنشوف الثعابين في الحلم حتى في الصلاة كنحس انو الثعابين دايرة بيا وغير كنسالي الصلاة ونبدا نتلفت في الغرفة لي انا فيها ونقلب وانا مدعورة
انا كنعرف انو العمار كيبانو على هيئة تعابين وسبقة وشفت واحد كبير ورمادي وانا في الفترة لي تكون بين الحلم و اليقظة قرب عند وجهي ولكن اختفة بمجرد مافتحت عيني وركزت فيه
ولكن هادشي زاد على حدو حتى وليت مضطربة ومعصبة ديما
بديت نشك انو اما سحر تسليط او هادشي من عمل العمار و القرين
فمار رايك اخي الفاضل