سلام البنات بغيت نشاركم بوصفة من الوصفات اللي صدمني المفعول ديالها وبغيت نشكر اخونا سعد عليها والله يطول لينا عمرو وعطيه كل ما نوى
مهم الوصفة كنت عملتها شي عدة اشهر وليوم حتاجيتها وعاود رجعت قلبت عليها وقلت نشاركم بتجربتي السابقة ليها
مهم اخواتاتي كنت كنعرف واحد ولد الكلبة المدة خمسة سنين كنت نقول نموت و معمري نساه مع انه ماشي شي واحد نيت وانا حسن منو فكلشي
اوى سيد كان دوز عليا العذاب المدة ديال عامين الاخيرة مهم مرة كنا تناقشنا وكان هو الغالط وقالي نسايني انا مبقيتش باغيك قتلو اوك
ومشيت ديك ساعة كنقلب حتى لقيت وصفة المنع و فقسم المساعدات واحد الاخت طالبة وصفة النسيان و جوبوها الاخوات بوصفة الاخ سعد للمنع و عطاوها توكيل
اوى يا لبنات مع انا حالتي حالة نضت كتبتها على جوج ورقات وحدة بماء الورد وزعفران والاخرى بستيلو اسود
الاولى درتها فالماء وحيدت الورقة وشربت الماء والثانية حطيتها تحت البلاكار كنقسم ليكم البنات يلا ديك ساعة قلبي برد والغد ليه مبقاش صبحت عادي ومبقاش كجيني فالبال و نزيدكم دازت مدة مكملاش جوج سمانات. ورجع يطلب ورغب قسما بالله الى حسيت بللي عمري عرفتو و بقا كل مرة كعيط وطلب فلميساجات غير باش نجاوب ونضت بدلت النمرة وراها مشا قلب عليها وجابها وتصل بيا قتلو شنو قالي رجعو وكدا قتلو تخطبت قالي ميمكنش تكوني لشي حد اولد الكلبة عاد تفكر العشرة وديك الهضرة وقسما بالله الى مكملاش سيمانة جات ماماه عند ماما ومنين سولاتني ماما قتليها لا مبغاش نتزوج والله البنات حتى انا تعجبت فراسي سمحو لي الى طولت عليكم