الطنجية المراكشية

لحم من الاحسن ديال الملوج (من الافضل البقري )
كمون
سمن
زيت بلدية
كركوبة ديال الثوم بقشرها صحيحة
زعفران حر
مصيرة
الملح غير شوية او بلاش حيت كاين المصير
كاس صغير ماء او اقل فاش تذوبي الزعفران الحر
توضعي الكل فقلوشة و صيفتيه الفرناتشي بعد ما تسديها بالطريقة المعروفة, او ديري المقادير بالكوكوت و حطيها على نار مهيييييييلة
و بالصحة و الراحة


ممكن استعمال الدجاج, كتجي رااااااااااااااااائعة و ماتشبعوش منها والله.
انا كندير معاها بطاطا مقلية و شي سلطة باش تكون الوجبة متكاملة.



انتباه: هناك وصفات ديال الطنجية فالانترنيت خاااااطئة: الطنجية راه ما فيها لا بصلة لا ابزار لا تحميرة لا قزبر لا معدنوس لا ثوم .... الثرات راه ما معاه لعب ههههههه


     

machkoura almarakchiya dyalna lah ya3tik sa7a

العفو اختي, عافاك جربيها او اي واحد يجربها و يرد علينا الاخبار كيف جاتكم, المقادير سهلة جدا و في المتناول, خصوصا مع امكانية استعمال لحم الدجاج لانه رخيص و طبخها في طنجرة الضغط.
غير زعمي عليها على حسابي ههههه

صافي إنشاء الله نجربها ونرد ليك لخبار واش هي نيت لي سبق ليا كليتها فمراكش أو أحسن منها.والمقادير فالمتناول كيف دكرتي،غير أنا مكناكلش الدجاج،نديرها بالركبة دالغنمي.

صاففي ديريها و ردي علي الخبار باش حتى البنات يزعموا, كيبانو لي واقيلا ماعجباتهمش الوصفة
   

إوا راك عارفة حبيبة لي باقي مازار مراكش وماكلاهاش،ماغيزعمش عليها

اوييييلي, راه الناس كاين لي كيجي لمراكش غير باش ياكلها هههههههه

hhhhhhhhhhhh

انا غادة نجي لمراكش ان شاء الله وناكلها من يديك زويونين وعااااااد نجربها ههههههههههههههههههه
الله يعطيك الصحة

الله يكبر بيك الزين الله يخليلك وليداتك والا كنت باقى عزبة الله يفرحك ويسهل امرك

فييييييييييناهما هاد لاوليدات و لا حتى بّاهم؟؟!! اختك مازال عزباء. الرجا فمولانا الكريم

مممممممممم ، أنا تنموة على الدغميرة ، تبارك الله على لباهجاوييا

            

اختي همس ماتقنطيش اختك راها انسة عانسة عمري 47 سنة ومازال تنتسنى الله
راه انت لتصبريني وترفعي معنوياتي ماشي انا
ايوا شدي راسك مزيان وكوني نشيطة ومتفائلة

و نعم بالله حبيبتي, الله ييسر ليك و لي و لكل البنات يا رب

ان شاء الله كل خير الزين

فاتني القطار كتب:

ان شاء الله كل خير الزين

آمين يا رب

هاااااا لي قلنا!!
العفو حبيبة و مشكورة على مرورك .

شهتيونا وجبتو لينا جوع هههههههههههه

ممممممممممممممممممممممم ورا جوعتيونا وشهيتونا مرسيييييييييييييييييييي    

لهلا يحوّجكم, مرحبا بيكم و نطيّب لكم الطنجية على حقها و طريقها.